ЯҢАЛЫКЛАР
2012 елның 1 мартында, IV Халыкара ислам бизнесы һәм финанслары саммитына әзерләнү кысаларында, Казанның «Grand Hotel»ендә KAZANINVEST Халыкара инвестиция форумы узачак. Форумның оештыручысы булып Татарстан Республикасының инвестицион үсеш агентлыгы тора.
KAZANINVEST 2012 чарасын уздыруның төп максатлары – кече һәм урта бизнес проектларына инвестицияләр җәлеп итү, Россия регионнарына FDI җәлеп итүнең төп тенденцияләре, перспективалары һәм актуаль проблемалары турында сөйләшү, инвестицион җәлепчәнлекне үстерүдәге халыкара тәҗрибә белән уртаклашу. Моннан тыш, форум барышында әлеге юнәлештә нәтиҗәле эш алып бара торган Россия төбәкләренең эшчәнлеге белән танышу мөмкинлеге булачак.
Татарстан Республикасының инвестицион үсеш агентлыгы III Кече һәм урта эшмәкәрлек үсеше турындагы журналистик эшләр һәм медиа-проектлар бәйгесенә гаризалар кабул итүне дәвам итә.
Телерадиотапшыру һәм публикацияләр бәйгесе шәхси бизнес үсеше проблемаларын яктыртуны активлаштыру һәм эшмәкәрләрнең уңай образын формалаштыру максаты белән үткәрелә.
Татарстан Республикасының инвестицион үсеш агентлыгында «Эшмәкәрләрнең виртуаль университеты» программасын булдыру соравы буенча киңәшмә узды. Очрашуда Линар Якупов җитәкчелегендә Татарстан Республикасының инвестицион үсеш агентлыгы вәкилләре, Татарстан Республикасының Мәгариф һәм фән министрлыгының өстәмә профессиональ белем бүлеге җитәкчесе Елена Попова, югары технологияләр өлкәсендәге «ИТ Парк» технопаркы директоры Динар Насыров, югары уку йортлары һәм иҗтимагый оешма вәкилләре катнашты.
Татарстанда авылда эшкуарлыкка ярдәм күрсәтүнең яңа формаларын эзләячәкләр. Бүген Татарстан Президенты Рөстәм Миңнеханов ТР Игенчеләр сараенда узган ТР Фермерлар, крестьян хуҗалыклары һәм авыл хуҗалыгы куллану кооперативларының XII съездында әнә шулай дип белдерде.
ТР Фермерлар һәм крестьян хуҗалыклары ассоциациясе рәисе Камияр Байтимеров Татарстан фермер, крестьян хуҗалыклары һәм авыл хуҗалыгы куллану кооперативларының 2010-2011 еллардагы эшчәнлегенә хисап ясады. Ул бүгенге көндә авылда фермерлар очраша торган берничә проблеманы билгеләде. Аның сүзләренә караганда, аларның берсе җирле хакимиятләрнең урыннарда фермерларның җирне милеккә алуына ярдәм итмәүләре белән бәйле. Моннан тыш, ул авыл хуҗалыгы тауар җитештерүчеләренә ярдәм күрсәтү өчен бүлеп бирелә торган субсидияләрне тоткарлауга бәйле проблемаларны билгеләде.
2012 елның 24 гыйнварында Татарстан Республикасының Актаныш мунициапаль районында инвестицион үсеш агентлыгы Башкарма комитет җитәкчеләре белән киңәшмә уздырачак. Җыелышның төп темасы – “Кече һәм урта эшмәкәрлекнең үсеш шартларын тудыру механизмы буларак муниципаль сәнәгать мәйданнары”.
“Мондый очрашуларны ешрак оештырырга – эшмәкәрләр белән тагын да киңрәк составта елга бер тапкыр очрашырга, борчыган проблемалар хакында фикерләшергә кирәк, дип исәплим. Сөйләшү формасын да үзгәртергә тиешбез”. Бүген ТР Эшмәкәрләренең ΙΙΙ корылтаенда катнашкан ТР Президенты Рөстәм Миңнеханов чыгышын әнә шул сүзләрдән башлады. Президент ассызыклаганча, республикада кече һәм урта бизнес вәкилләреннән торган 50 берләшмә исәпләнә. Алар актив эш алып барырга, корылтайга үз күзаллауларын әзерләргә тиеш, дип саный республика башлыгы.
Бүген Татарстан Республикасының инвестицион үсеш агентлыгы җитәкчесе Линар Якупов «Херманн-Равема» алман компаниясе идарәчесе д-р Манфред Либль белән очрашты. Очрашуда Татарстан Республикасының инвестицион үсеш агентлыгы җитәкчесе урынбасары Антон Семенов һәм «Херманн-Равема» компаниясенең Биогаз бүлеге җитәкчесе Бернд Штрейхер катнашты. Очрашу барышында Татарстан Республикасының инвестицион үсеш агентлыгы җитәкчесе Линар Якупов киләчәк хезмәттәшлек мөмкинлекләре турында сүз алып барды. Хезмәттәшлек нигездә автотөзелеш (җиңел һәм йөк автомобильләре, рельс транспорт чаралары), машиналар төзү һәм гомуми логистика өлкәләрендә алып барылачак.
Татарстан Республикасының инвестицион үсеш агентлыгы җитәкчесе Линар Якупов PPP Local һәм Quintessentially компания вәкилләре белән очрашты. Очрашуда Татарстан Республикасының инвестицион үсеш агентлыгы җитәкчесе урынбасары Антон Семенов һәм Инвестицион проектларны алып бару һәм ярдәм күрсәтү бүлеге башлыгы Максим Грицких катнашты. Татарстан Республикасының инвестицион үсеш агентлыгы җитәкчесе Линар Якупов кунакларны Агентлыкның эшчәнлеге белән таныштырып узды. Шулай ук, Агентлыкның Инвестицияләргә хезмәттәшлек күрсәтә торган агентлыкларның халыкара ассоциациясенә (WAIPA) керүе турында да сөйләп үтте.
Очрашу барышында Татарстан Республикасының инвестицион үсеш агентлыгы җитәкчесе Линар Якупов кече һәм урта эшкуарлык үсеше программалары һәм Татарстан Республикасы җирлегендә экспортны күтәрү һәм үстерү корпорацияләренә нигез салу турында мәгълүмат бирде. Шулай ук, очрашуда «Лизинг-грант» программасын финанслаштыру турындагы сорау да күтәрелде. Банк вәкилләре бу елның декабрендә программада катнаша торган лизинг компанияләрен фондлаштыруга әзер булулары турында әйтелләр.