ЯҢАЛЫКЛАР

«Алабуга» Махсус икътисади зонасы резиденты Hygiene Technologies үзенең гранты турында белдерде. Әлеге грант буенча белем алу өчен түләүне Hygiene Technologies компаниясе һәм Татарстан Республикасы ала. Уку компаниянең приоритетлы юнәлешләр буенча булачак: җиһаз механикасы, транспорт логистикасы, энергетика һәм инженер сыйфатлар.

Грантны алуда бөтен университет, институтны тәмамлаган һәм инглиз телен белгән кешеләр катнаша алачаклар. Сорауларны hr@ht-company.ru электрон адресына язырга мөмкин. Шулай ук +79520488879 телефоны буенча Наталья Кармановага мөрәҗәгать итергә мөмкин.

Иллемеңенче машина ак төстәге Limited комплектлы Ford Explorer булып тора. Машинаның кайбер сыйфатлары: Cyclone™ бензин двигателе, 294 ат көче булган 3.5-V6 куəтлеле алты дәрәҗәле автомат SelectShift™ трансмиссиясе һәм Terrain Management™ тулы приводлы интеллектуаль системасы.

Алабугада урнашкан Ford Sollers заводында Ford машиналарын чыгару 2012 елның гыйнвареннән башланды. Бүген компания Ford Explorer, Ford Kuga, Ford Transit, Ford Tourneo Custom, Ford S-MAX һәм Ford Galaxy модельләрен чыгара.

Тулы цикллы Ford Explorer машиналарын җитештерү 2013 елның апреленнән башланды. Ford Kuga  машинасының тулы циклы бу елның октябреннән башланды: башлап җибәрү церемониясендә Татарстан Республикасының Премьер-министры Ильдар Халиков, Ford Sollers Президенты Тед Каннис, Ford Sollers Башкарма директоры  Адиль Ширинов, ААҖ “Соллерс” Генераль директоры Вадим Швецов һәм махсус кунак - Ford Директорлар киңәшмәсе рәисе Уильям Клэй Форд катнаштылар.

Бүген Туры инвестицияләр буенча Россия фонды (ТИРФ) Россия Федерациясенең Икътисади үсеш министрлыгы белән бергә региональ инвестицион агентлыклар, киләчәк инвесторларны җәлеп итү өлкәсендә эшли торган министрлыклар һәм оешмалар башлыклары белән очрашу уздырды.

Очрашуда ТИРФ директоры Кирилл Дмитриев, РФ Икътисади үсеш министры урынбасары Сергей Беляков, Россиянең 53 регион вәкилләре, шулар арасында Татарстан Республикасының инвестицион үсеш агентлыгы җитәкчесе Линар Якупов катнаштылар.

Чарада ТИРФ белән аралашу кысаларында ачылачак яңа мөмкинлекләр һәм регионнарның дөнья инвесторлары арасында танылу өстенлекләре турында уртаклаштылар. Очрашу барышында катнашучыларга инвестицион мөмкинлекләр турында мәгълүматны онлайн режим ярдәмендә алырга мөмкинлек биргән Invest in Russiа яңа интерактив платформасы презентацияләнде.

Бүген 28-29 ноябрьдә үткән «Евразия икътисади интеграциясе: казанышлар һәм проблемалар» форумы кысаларында катнашучыларга «СМАРТ Сити Казан» халыкара инвестицион технополисы тәкъдим ителде.

Чара «Россотрудничество» Федераль агентлыгы һәм Татарстан Республикасының Хөкүмәте патронажы астында үтте. Ике көнлек форум эше барышында ике пленар утырыш, төрле темаларга уртаклашу, Мәскәү, Санкт-Петербург, Киев, Минск, Ереван, Пекин һәм Брюссель шәһәрләрендә урнашкан мәйданнар белән видеоаралашу булды.

Форумда «Россотрудничество» Федераль агентлыгының башлыгы Константин Косачев, «Евразия диалогы» башлыгы Андрей Климов, Татарстан Республикасының Дәүләт киңәшмәсе рәисе Фәрит Мөхәммәтшин, Евразия интеграцион процессына кергән илләр хөкәмәтләренең вәкилләре, Россия, Казахстан һәм Белоруссия бизнес вәкилләре, галимнәр, белгечләр, БДБ һәм Европа берләшмәсе илләре вәкилләре катнаштылар.

12 декабрь көнне Россия Федерациясендә Татарстан Республикасының вәкаләтле вәкиллегендә Татарстан Республикасының инвестицион үсеш агентлыгы регионның туристик кластеры буенча семинар үткәрәчәк.

Хезмәт күрсәтү һәм туризм Татарстан республикасының сигез приоритетлы үсеш юнәлешләренең берсе булып тора. «Хезмәт күрсәтү һәм туризм» инвестицион семинарында шул өлкәдә эшли торган кайбер Татарстан, Россия һәм чит ил компанияләре вәкилләре катнашачак. Семинарда Татарстан Республикасының инвестицион потенциалы, республика территориясендә туризм белән бәйләнгән эшмәкәрлекне ачу өстенлекләре һәм Татарстанның туристик кластеры хәле тәкъдим ителәчәк.

«Хезмәт күрсәтү һәм туризм» инвестицион семинары - Татарстан Республикасының инвестицион үсеш агентлыгының өченче тышкы чарасы булып тора. Июньдә машина төзелеше һәм автокомпонентларны җитештерү һәм сентябрьдә медицина һәм фармацевтика буенча семинарлар үтте.

Халыкара инвестицион технополисы буенча Казахстан кунаклары күп төрле сораулар бирделәр һәм проект буенча зур кызыксынуын белдерделәр.

Казахстан Республикасының Кызылорда өлкәсе делегациясе башлыгында аким Крымбек Кушербаев булды. Кунаклар үз визитын Татарстан регионының Кама арты зонасын каравыннан башладылар. Шунда алар ТАНЕКО, ТАИФ-НК, «Нижнекамскшина», «ЕлАЗ» заводларында һәм МИЗ «Алабуга» да булдылар.

28 ноябрьдә кунаклар «Казан» халакара аэропортына килделәр, шунда аларны Татарстан  Республикасының Президенты Рөстәм Миңнеханов каршы алды. Казан аэропортында Казахстан делегациясе вәкилләре 1А терминалын карадылар һәм 17 ноябрьдә авиа һәлакәттә вафат булган кешеләргә багышланган урынга чәчәкләр куйдылар.

26 ноябрь көнне Татарстан Республикасының Инвестицион үсеш агентлыгында Бельгия Hygiene Technologies компаниясе президенты Барт Ван Малдерен республиканың министрлыклар, идарәләр һәм Татарстан компанияләре вәкилләре белән очрашты.

Hygiene Technologies делегациясе составына, шулай ук, VGP (Чехия) компанияләр группасы вәкилләре – Үзәк һәм Көнчыгыш Европада урнашкан сәнәгать парклары һәм логистика комплекслары девелоперы керде.

Очрашуда МИЗ “Алабуга” территориясендә гигиена продукциясен җитештерү буенча заводын төзү проектын тормышка ашыру турында сөйләделәр: бу елның март аенда Hygiene Technologies махсус икътисади зона резиденты статусын алды. Проектка инвестицияләр күләме якынча 1 млрд. сум тәшкил итә.

Global Islamic Finance Awards (GIFA) – Ислам финанслары буенча халыкара премиясен бирү церемониясе 26 ноябрь көнне Ислам ваклап сату банкингы буенча Бөтендөнья конференциясе (World Islamic Retail Banking Conference) кысаларында үтте.

Татарстан Республикасының Инвестицион үсеш агентлыгы җитәкчесе Линар Якупов GIFA премиясенең Islamic Finance Advocacy Award 2013 – ислам финансларын алга таба мавыктыруга ярдәм итү өчен номинациясендә премиясе белән бүләкләнде. Махсус бүләк Линар Якуповның Татарстан Республикасында банк системасын һәм финанслары үсешенә ярдәм итүе өчен бирелде.

Германия Инвестицияләр һәм үсеш корпорациясе (Deutsche Investitions - und Entwicklungsgesellschaft mbH – DEG) делегациясенең республикага эш визиты ике көн дәвам итәчәк.

Бүген Татарстан Республикасының Инвестицион үсеш агентлыгында DEG компаниясенең Татарстан Республикасының Инвестицион үсеш агентлыгы җитәкчесенең беренче урынбасары Роберт Галиуллин, Татарстан Республикасының Инвестицион үсеш агентлыгы инвестицион проектларын тикшерү бүлеге рәисе Гүзәл Муллаярова, Татарстан Республикасының Үсеш Корпорациясе башлыгы, регионның иң эре компанияләр вәкилләре һәм Татарстан республикасы инвестицион проектларында катнашучылар белән очрашулар узды.

Германия Инвестицияләр һәм үсеш корпорациясе, шулай ук, Татарстан Республикасының Дрожжан районының башлыгы Александр Шадриков һәм Дрожжан районының Үсеш корпорациясенең үсеш буенча директоры урынбасары Ленар Салимуллин белән очрашты.

Чара Самарада 3 декабрь көнне “Белгечләрне – үсеш институтлары ярдәмендә тормышка ашырыла торган инвестицион проектлар катнашучыларын әзерләү” белем проекты кысаларында үтәчәк.

“Инвестицион проектларны әзерләү һәм алар белән идарә итү” семинарының максаты – оешмаларның белгечләрен – банкның булачак партнерларын инвестицион проектларны әзерләү һәм идарә итү белән таныштыру.

Чара кысаларында Внешэкономбанкта инвестицион проектларны сайлау критерияләрен һәм төп принципларын карау, дәүләт-шәхси партнерлык механизмнарын кулланып проектларны тормышка ашыру үзенчәлекләре буенча уртаклашу планлаштырыла.