ЯҢАЛЫКЛАР

Бүгенге көндә әлеге проектка керткән шәхси инвестицияләрнең күләме 1 млрд сум тәшкил итә. Бүген ТР Министрлар кабинетында Берләшкән Гарәп Әмирлекләренә һәм Индонезияга ясалган визит нәтиҗәләренә багышланган брифинг узды.

Брифингта Татарстан Республикасының инвестицион үсеш агентлыгы җитәкчесе Линар Якупов һәм ТР Сәүдә һәм сәнәгать палатасы рәисе Шамил Агеев катнашты.

30 апрель -2 майда Татарстан Республикасы делегациясе ТР Президенты Рөстәм Миңнеханов җитәкчелегендә Берләшкән Гарәп Әмирлекләренә визит кылды.

Дөньяның иң алдынгы инвестицион үсеш агентлыклары һәм инвестицияләр буенча экспертлар  2-3 майда Истамбулда очраштылар. Очрашуның төп максаты – туры чит ил инвестицияләрне жәлеп итүдә тәҗрибә белән уртаклашу.  “Европада һәм Урта Азиядә туры чит ил инвестицияләргә хезмәттәшлек күрсәтү” конференциясе Бөтендөнья банкының инвестицион климат департаменты һәм Инвестицион үсеш агентлыклары Халыкара ассоцияциясенең (WAIPA)  вице-президенты - Төркиянең инвестицияләр җәлеп итү агентлыгы тарафыннан оештырылды. Татарстан Республикасының инвестицион үсеш агентлыгы Россиядә инвестицияцияләр җәлеп итү буенча лидер булып тора һәм Инвестицион үсеш агентлыклары Халыкара ассоцияциясенең (WAIPA) Көнчыгыш Европа буенча директоры статусына ия. Агентлык конференциядә актив катнашты һәм үз тәҗрибәсе белән уртаклашты.

Бүген Дубайда Татарстан делегациясе Thomson Reuters компаниясе белән очрашты. Очрашу барышында мәгълүмат өлкәсендәге хезмәттәшлек турында сүз барды.

Очрашу Annual Investment Meeting (AIM) III Еллык инвестиция форумы кысаларында узды. Президент Рөстәм Миңнеханов Thomson Reuters компаниясенә интервью бирде.

Thomson Reuters компаниясенең Дубайдагы вәкиллегендә Рөстәм Миңнеханов катнашында хезмәттәшлек турындагы килешмәгә кул куелды. Килешмәдә искәртүенчә, әлеге халыкара информацион агентлык «СМАРТ Сити Казан» проектының информацион партнеры статусын алачак, “акыллы” шәһәрчек территориясендә үз вәкиллеген ачачак. Документка Татарстан Республикасының инвестицион үсеш агентлыгы җитәкчесе Линар Якупов һәм Thomson Reuters компаниясенең башкарма директоры Басил Мофтах кул куйдылар.

Annual Investment Meeting (AIM) III Еллык инвестиция форумы кысаларында Шарджа әмирлегенең коммерция һәм туризм үсеше комитеты (Sharjah Commerce and Tourism Development Authority) белән очрашу узды.  

Очрашуда Татарстан Республиксының инвестицион үсеш агентлыгы ягыннан җитәкче Линар Якупов катнашты.

Шарджа әмирлегенең коммерция һәм туризм үсеше комитеты вәкилләре форумда китерелгән Татарстан Республикасы күргәзмәсе белән танышып уздылар. Моннан тыш, рәсми старты 1 майда үткән “СМАРТ Сити Казан” проектына кызыксынуларын белдерделәр.

Бүген Татарстан Республикасы Президенты Рөстәм Миңнеханов Берләшкән Гарәп Әмирлекләренә эш визиты кысаларында Дубай- DuBiotech иң эре сәнәгать паркында булды. Бу биомедицина өлкәсендәге дөньядагы беренче махсус икътисадый зона - Dubai Biotechnology and Research Park. Проектның инвесторы һәм идарәче компаниясе – TECOM Investments компаниясе. 

2007 елда лаборатор комплекс төзелә башлады, 2010 елда ул эксплуатациягә тапшырылды. Шул ук вакытта офис-склад комплексларын төзү дә тәмамланды. Әлеге вакытта DuBiotech территориясендә 600 кв. м мәйданлы биек биналар – паркның штаб-квартирасы төзелеше алып барыла. 

Комплекс территориясендә 95 резидент урнашкан, алар арасында Pfizer, Amgen, Merck Serono, Genzyme, Bristol-Myers, Squibb Firmenich кебек һәм башка эре халыкара компанияләр бар, шулай ук кече һәм урта бизнес вәкилләре дә эшли. DuBiotech резидентлары эшчәнлегенең төп юнәлеше – фәнни тикшеренүләр, югары технологияле продукция җитештерү һәм җайланмаларга анализ һәм тестлар үткәрү, медицина җиһазларын сату һәм маркетинглау, аларның күргәзмәләрен оештыру, төргәкләү һәм логистик хезмәт күрсәтүләр. 

Бүген Татарстан Республикасы Президенты Рөстәм Миңнеханов Берләшкән Гарәп Әмирлекләре икътисад министры Солтан Бин Сәййед Әл-Мансури белән очрашты. Очрашу  Annual Investment Meeting (AIM) III Еллык инвестиция форумы кысаларында узды.

БГӘ икътисад министры Солтан Бин Сәййед Әл-Мансури бүген БГӘ белән Россия Федерациясе регионы Татарстан Республикасы арасында җылы һәм дустанә мөнәсәбәтләр урнашуга чын күңелдән шатлануын белдерде. Ул шулай ук «СМАРТ Сити Казан» инновацион проектын гамәлгә ашыру кысаларында хезмәттәшлек итү белән кызыксынганын әйтте. Аерым алганда, икътисад министры Берләшкән Гарәп Әмирлекләре компанияләре әлеге проектның потенциаль инвесторлары була алуын искәртте.

Татарстан Республикасы Президенты Рөстәм Миңнехановның TGIC (Tatarstan Gulf Investment Company) компаниясе вәкилләре белән очрашуы Annual Investment Meeting (AIM) III Еллык инвестиция форумы кысаларында узды. Яклар TGIC компаниясенең «СМАРТ Сити Казан» проектын гамәлгә ашыруда катнашу мәсьәләләре буенча фикер алыштылар.

Аерым алганда, TGIC компаниясе вәкилләре андый проектларның дөньяда халыкара бизнесны һәм инвестицияләрне җәлеп итү өчен, эшлекле активлыкның яңа төрләрен булдыру өчен перспективалы булуын, шулай ук инде үзен чит илдә уңай яктан күрсәткән, көчле икътисадый һәм эшлекле потенциаллы регион буларак Татарстан өчен проектның кирәкле булуын билгеләп үттеләр. 

Татарстан Республикасы Президенты Р.Н. Миңнеханов бүген Дубайда Annual Investment Meeting (AIM) III еллык инвестиция форумы кысаларында «Циско» (Cisco) компаниясе вице-президенты Энди Макдоналд белән очрашты.

Очрашуда шулай ук Россия Федерациясе мәгълүматлаштыру һәм элемтә министры Николай Никифоров, Татарстан Республикасы Инвестицион үсеш агентлыгы җитәкчесе Линар Якупов, Татарстан Республикасы Премьер-минстры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, «Татарстан Республикасын үсеш корпорациясе» ААҖ генераль директоры Булат Гаянов та катнашты.

Очрашу кысаларында «СМАРТ Сити Казан» проекты өчен интеллектуаль Мастер-план булдыру мәсьәләсе буенча фикер алышынды.

Бүген Дубайда (Берләшкән Гарәп Әмирлеге) Annual Investment Meeting (AIM) III Еллык инвестиция форумы кысаларында “СМАРТ Сити Казан” проектына рәсми старт бирелде.

Берләшкән Гарәп Әмирлеге Вице-президенты, Премьер-министры, Дубай әмирлеге әмире Шәиех Мөхаммәд Бин Рәшид Әл Мәктүм катнашты.

Исегезгә төшерәбез, “СМАРТ Сити Казан” проекты “акыллы шәһәр” принцибы буенча, урбанистика һәм инженерлык инфраструктурасы өлкәсендә халыкара тәҗрибәгә һәм соңгы еллардагы казанышларга нигезләнеп барлыкка китерелгән. Проект Татарстан Республикасы икътисады тармакларын стимуллаштыру һәм үстерү максатларында эшлекле, мәгариф, фәнни-техник активлыкны үстерү өчен гамәлгә ашырыла.

Татарстан Республикасы Президенты Рөстәм Миңнеханов Дубай шәһәрендә (Берләшкән Гарәп Әмирлеге) Annual Investment Meeting (AIM) III Еллык инвестиция форумы кысаларында панель дискуссиясендә катнашты.

Киләчәк халыкара икътисадый ландшафт һәм аның турыдан-туры чит ил инвестицияләренә йогынтысы, чиктәш һәм алга бара торган базарлардагы икътисадый перспективалар турында дискуссиядә шулай ук БГӘ икътисад министры Солтан бин Сәййед Әль Мансури, Марокко транспорт министры Габделгазиз Рәббах, Халыкара сәүдә үзәге генераль директоры (ХСҮ) Патриция Франсиз, Африка икътисадый комиссиясе башкарма секретаре Карлос Лопес, New America Foundation өлкән партнеры Параг Ханна һәм башкалар да катнашты.