Иннополиста үткән “Татарстан – бизнес өчен таяныч” форумында Татарстан Республикасының Президенты вазифаларын вакытлыча башкаручы Рөстәм Миңнеханов берничә программалы инициативалар белән чыгыш ясады.

Россия Федерациясенең субъектларында инвестицион климат хәле милли рейтингында Татарстанның җиңүенә аңлатма биргәндә Рөстәм Миңнеханов түбәндәге сүзләрне билгеләде: “Татарстан – илнең иң уңышлы регионнарның берсе. Әмма без дә идеаль түгел. Без күп һәм күп эшләргә тиеш... Безнең өчен иң төп – Сезне борчыганны ишетү, нәрсә эшләргә кирәклеген белү”.

14 июльдә Иннополиста ислам финанслары өлкәсендә хезмәттәшлек турында килешүгә кул куелды. Документ астына Татарстан Республикасының Президенты вазифаларын вакытлыча башкаручы Рөстәм Миңнеханов һәм Сбербанк Идарә рәисе Герман Греф кул куйдылар. Килешү буенча регионда ислам финанслары өчен өйрәнү һәм тәкъдимнәрне формалаштыру буенча тарафлар аралашуы булачак.

Россия Федерациясе Президенты Владимир Путин “Россия Федерациясендә дәүләт-хосусый партнерлык, муниципаль-хосусый партнерлык һәм Россия Федерациясенең аерым канун актларына үзгәртүләрне кертү” Федераль канунга кул куйды. 2015 елның 13 июленнән Канун №224 2016 елның 1 гыйнвареннән (кайбер өзешләреннән башка) эшли башлаячак. ДХП турында Федераль канун Россиядә беренче тапкыр кабул ителде, бу вакытка кадәр бары тик региональ кануннар эшләде, ә алар күбесенчә кысалы характерында булдылар.

Бүген Мәскәүдә 2019 елда Россиядә WorldSkills һөнәри осталык буенча дөнья чемпионатын уздыру хокукына Казан шәһәре үтенечен тәкъдир итү репетициясе узздырылды.

Чара Татарстан Республикасының Россия Федерациясендәге Тулы вәкаләтле вәкиллеге бинасында узды, репетициядә Россия Федерациясе Хөкүмәте Рәисе урынбасары Ольга Голодец, Татарстан Республикасы Президенты вазыйфаларын вакытлыча башкаручы Рөстәм Миңнеханов, Казан мэры Илсур Метшин, башка рәсми затлар катнашты.

“Югары тизлекле магистраль Мәскәү-Казан” проекты аркасында 80 меңнән артык эш урыны барлыкка киләчәк. Моның турында ЮТМга (рус. ВСМ) багышланган белгечләр панелендә сөйләшү барышында билгеле булды. Ул Екатеринбургта “Иннопром-2015” халыкара сәнәгый күргәзмәсе кысаларында 9 июльдә үтте. 

Россия Федерациясе 2014 ел нәтиҗәләре буенча мөмкин булачак инвестицияләр күләме буенча дөньяда беренче булып тора. Моның турында Сәүдә һәм үсеш буенча БМО (рус. ООН) Конференциясе докладында сөйләнә. Игълан ителгән проектлар рейтингын БМО беренче тапкыр булдырыла. 

Бүген Россия парламентының “югары” парламенты (Россия Федерациясе Федераль Җыелышының Федерация Советы) “Россия Федерациясендә дәүләт-хосусый партнерлык, муниципаль-хосусый партнерлык һәм Россия Федерациясенең аерым канун актларына үзгәртүләрне кертү” Федераль канун проектына рөхсәт бирде.
Искә төшерик, 1 июльдә Россия Дәүләт Думасы әлеге актны кабул итте. Якын көннәрдә документ астына Россия Федерациясе Президенты Владимир Путин кул куячак дип көтелә. Канун 2016 елның 1 гыйнвареннән эшли башлачак дип планлаштырыла.

7 июльдә Татарстан башкаласының «Корстон» кунакханә комплексында «Иртәгә шәһәрләр һәм территорияләр: уңай үзгәрешләр инструментарие» урбанистик конференциясе үтә. 

Чарада Татарстан Республикасы Президенты вазыйфаларын вакытлыча башкаручы Рөстәм Миңнеханов, федераль (РФ Төзелеш министрлыгы һәм РФ Икътисади үсеш министрлыгы) һәм республика дәүләт органнары вәкилләре, эшмәкәрләр, белгечләр һәм җәмгыять вәкилләре катнаштылар. Татарстан Республикасының инвестицион үсеш агентлыгыннан чарада Агентлык җитәкчесенең беренче урынбасары Инсаф Галиев катнашты. 

6 июль иртәсендә Казан Кремлендә Татарстан Республикасының Президенты вазифаларын вакытлыча башкаручы Рөстәм Миңнеханов БРИКС илләренең яшьләр делегацияләренең җитәкчеләрен кабул итте. Очрашуда Россиянең яшьләр эшләре буенча Федераль агентлыгы җитәкчесе Сергей Поспелов, Бразилия яшьләр эшләре буенча Милли сәркатибы Габриэль Медина де Толедо, Һиндстан яшьләр һәм спорт буенча министрлыгының яшьләр эшләре буенча департаменты җитәкчесе ШРИ Раджеев Гупта, Яшьләр Бөтенкытай Федерациясе вице-президенты ДЖОУ Чангкуй, Көньяк-Африка Республикасы Яшьләр үсеше милли агентлыгы җитәкчесе Хатутшело Рамукумба катнаштылар. Чарада Татарстан Республикасының инвестицион үсеш агентлыгы җитәкчесе Талия Миңнуллина катнашты. 

Россиянең дәүләт-хосусый партнерлык (ДХП) өлкәсендә бик мөһим вакыйга булды: Россия парламентының “аскы” палатасы ДХП турвнда канун кабул итте – Россия Федерациясендә беренче тапкыр. РФ Икътисади үсеш министрлыгы мәгълүматы буенча Россиядә тиешле канун булмаганга күрә 1,3 трлн. сум тәшкил итүче 130 проектның тормышка ашыруы тукталды.