ЯҢАЛЫКЛАР
ТР Хөкүмәт Йортында “2015 елның I кварталы буенча Татарстан Республикасының консолидацияләнгән бюджетын башкару нәтиҗәләре һәм 2015 елның ахырына кадәр республика салым, казначей һәм финанс органнары бурычлары” видеоконференциясе режимында республика салым, казначей һәм финанс органнары киңәшмәсе үтте. Чара Татарстан Республикасының Президенты вазифаларын вакытлыча башкаручы Рөстәм Миңнеханов рәислеге астында үтте.
Татарстан Республикасының Инвестицион үсеш агентлыгы ирләр командасы Татарстан Республикасының дәүләт хезмәткәрләре спартакиадасы кысаларында волейбол буенча турнирда катнашты.
Татарстанда бик уңайлы инвестицион климат формалашкан. Әлеге сүзләрне Татарстан Республикасына визит белән килгән Төркия Республикасының Бөек милли җыелыш рәисе Җәмил Чичек әйтте.
ТР Инвестицион үсеш агентлыгы җитәкчесе Талия Миңнуллина SymbioCity семинарында Швеция делегациясенә Татарстанның инвестицион мөмкинлекләрен тәкъдим итте. Семинарның төп темасы шәһәрләрнең тотрыклы үсеше концепциясе булып торды.
Үзенең презентациясендә ТР ИҮА җитәкчесе Татарстан, республиканың конкурентлы өстенлекләре, заманча инвестицион инфраструктура объектлары һәм креатив индустрия үсеше өчен уңай махсус шәһәр тирәлеге турында сөйләде.
ТР Хөкүмәт Йортында Татарстан Республикасының Президенты вазифаларын вакытлыча башкаручы Рөстәм Миңнеханов Марокко Корольлегенең Тышкы сәүдә министры Мөхәммәд Аббуны каршы алды. Очрашуда Татарстан Республикасының инвестицион үсеш агентлыгы җитәкчесе Талия Миңнуллина катнашты.
ТР Инвестицион үсеш агентлыгы җитәкчесе Талия Миңнуллина Татарстан Президенты вазифаларын вакытлыча башкаручы Рөстәм Миңнеханов җитәкләгән делегация составында Әзербайҗанга визит белән килде.
Шимбә көнне, 11 апрельдә Казанда 2030 елга кадәр Татарстан Республикасының социаль-икътисади үсеш стратегиясе проекты турында фикер алышу кысаларында “Татарстан 2030: Үсеш стратегиясе” Халыкара фәнни-белгечле конференция үтте.
Татарстан Республикасының инвестицион үсеш агентлыгы җитәкчесе Талия Миңнуллина Calvert Forum “Постиндустриаль икътисад проблемалары: яңа үсеш юллары” Креатив индустрия үсеше сораулары буенча Халыкара конференциядә катнашты. Чара Казандагы IT-паркта 11-12 апрельдә үтте.
Форумда мәдәният сәясәте, урбанистика һәм региональ брендинг өлкәсендә халыкара һәм Россия белгечләре җыелды.
Татарстан Республикасының инвестицион үсеш агентлыгы җитәкчесе Талия Миңнуллина Казан Кремлендә үткән Татарстан Республикасының Президенты вазифаларын вакытлыча башкаручы Рөстәм Миңнехановның Венгрия Тышкы икътисади элемтәләр һәм чит ил эшләре министры Петер Сийярто белән очрашуда катнашты. Очрашуда киң спектрлы мәсьәләләр турында фикер алыштылар, алар арасында инвестицияләр өлкәсендә партнерлык та булды. Талия Миңнуллина, шулай ук, Казандагы Венгрия Генераль консуллыгын ачу церемониясе һәм Икътисади хезмәттәшлек буенча Россия-Венгрия Хөкүмәтара комиссия утырышында катнашты.