Бүген Татарстан Республикасының Президенты Рөстәм Миңнеханов Камбоджа Корольлегенең Премьер-министр урынбасары Сок Ан әфәнде белән очрашты. Очрашу Татарстан Республикасының Хөкүмәт Йортында үтте.

Татарстан Республикасының вәкилләре арасында Татарстан Республикасының инвестицион үсеш агентлыгы җитәкчесе Талия Миңнуллина булды.

Очрашуда катнашучыларын сәламләгәндә, Рөстәм Миңнеханов Татарстан Республикасына күрсәтелгән кызыксыну өчен рәхмәт белдерде. Ул, шулай ук, бүген Россия һәм аның регионнары Көньяк-Көнчыгыш Азия илләре белән мөнәсәбәтләрне ныгыту һәм үстерүгә зур мөһимлек бирә дип билгеләде. 

Комиссия эше барышында 2014 елның 20 ноябрендә Татарстан Республикасының Президенты карамагында ришвәтчелеккә каршы Киңәшмә утырышында каралган сораулар буенча уртаклаштылар (Агентлык җитәкчесе Талия Миңнуллина әлеге киңәшмә составына керә).

Комиссия утырышында, шулай ук, 2015-2020 елларга ришвәтчелеккә каршы сәясәтне тормышка ашыру буенча Татарстан Республикасының инвестицион үсеш агентлыгының Программа проекты каралды. Әлеге программаның максатлары Агентлыкта ришвәтчелеккә каршы системаны яхшырту, Агентлыкта ришвәтчелек үсүгә каршы шартлар булдыру, Агентлык эшчеләрендә ришвәтчелекне кабул итмәү булып тора. Бу максатларны тормышка ашырыр өчен программада махсус бурычлар һәм булачак нәтиҗәләр билгеләнгән, шулай ук программаны тормышка ашыру буенча чаралар исемлеге формалашкан. 

2014 елның 28 ноябрендә Татарстан Республикасының Министрлар Кабинеты һәм Татарстан Республикасының Министрлар Кабинеты һәм “Россия дипломатлары Ассоциациясе” арасында хезмәттәшлек буенча килешүгә кул куелды. Документ астына Татарстан Республикасының Премьер-министры Ильдар Халиков һәм Россия дипломатлары Ассоциациясе Киңәшмәсенең рәисе Игорь Халевинский кул куйдылар.

Очрашуда Татарстан Республикасының инвестицион үсеш агентлыгы рәисе Талия Миңнуллина катнашты.

2014 елның 27 ноябрендә Россия Федерациясенең Чит ил эшләре министрлыгында Мәскәүдә аккредитация алган чит илләр илчеләре алдында Татарстан Республикасы презентациясе үтте. Презентациядә Россия Федерациясенең Чит ил эшләре министры Сергей Лавров, Татарстан Республикасының Президенты Рөстәм Миңнеханов, Татарстанның Дәүләт Киңәшмәсе рәисе Фәрит Мөхәммәтшин, Дәүләт Думасы депутатлары, Татарстан Республикасының инвестицион үсеш агентлыгы җитәкчесе Талия Миңнуллина, шулай ук, Татарстанның алда баручы оешмалар җитәкчеләре катнаштылар.

2014 елның 27 ноябрендә Татарстан Республикасының инвестицион үсеш агентлыгы һәм Россия һәм Төркия эшмәкәрләре Ассоциациясе арасында аралашу буенча килешүгә кул куелды. Документ астына Татарстан Республикасының инвестицион үсеш агентлыгы җитәкчесе Талия Миңнуллина һәм Ассоциация рәисе Наки Карааслан кул куйдылар.

Чарада Татарстан Республикасының Президенты Рөстәм Миңнеханов, шулай ук, Төркиянең Россия Федерациясендә Гадәттән Тыш һәм Тулы вәкаләтле илчесе  Умит Ярдым, RTIB  җитәкчесе Наки Карааслан һәм 300 дән артык Төркия бизнесы вәкилләре катнаштылар.

Килешүгә кул кую церемониясе Төркия һәм Россия эшмәкәрләре өчен Татарстан Республикасының инвестицион потенциалы презентациясен күрсәтүдән соң үтте. “Без элемтәләребезне киңәйтүгә шат булабыз, моңа бүген Татарстан Республикасының Инвестицион үсеш агентлыгы һәм Россия һәм Төркия эшмәкәрләре Ассоциациясе арасында аралашу буенча кул куелган килешү ярдәм итәчәк”, - дип Рөстәм Миңнеханов белдерде. 

Татарстан Республикасының инвестицион үсеш агентлыгы җитәкчесе Талия Миңнуллина Татарстан Республикасының Президенты Рөстәм Миңнеханов рәислегендә үткән ААҖ «Татнефтехиминвест-холдинг» Директорлар киңәшмәсенең утырышында катнашты. Анда республика икътисадының стратегик үсеше буенча сораулар каралды.

Утырыш барышында нефть һәм газ индустриясенең актуаль тенденцияләре турында доклад белән E&Y (Ernst&Young, Бөекбритания  аудитор-консалтинг компаниясе) вәкиле лександр Оливейр чыгыш ясады. 

Ирван Праитно губернаторы башлыгында Көнбатыш Суматра Индонезия провинциясе делегациеясе белән Татарстан Республикасының Президенты Рөстәм Миңнеханов 26 ноябрьдә очрашты. Казан Кремлендә үткән очрашуда Татарстан Республикасының инвестицион үсеш агентлыгы җитәкчесе Талия Миңнуллина катнашты.

Хезмәттәшлекнең перспектив юнәлешләре арасында Рөстәм Миңнеханов сәүдә-икътисади хезмәттәшлек, мәгариф, студентлар белән алмашу, инновацияләр өлкәсе һәм спортта аралашу, туризмны билгеләде. 

2014 елның 26 ноябрендә Татарстан Республикасының  инвестицион үсеш агентлыгы, Внешэкономбанк дәүләт корпорациясе һәм ААҖ “Проектлы финанслау федераль үзәге” «Идел буе федераль округында дәүләт-шәхси партнерлык проектларын оештыру» темасына семинар үткәрделәр.

Семинарда 7 Идел буе регионыннан (Татарстан, Башкортстан, Удмуртия, Мордовия, Чуваш Республикалары, Саратов һәм Ульяновск өлкәләре) 70 тән артык дәүләт органнары, үсеш институтлары һәм бизнес вәкилләре катнаштылар.

Семинарны ачканда Татарстан Республикасының  Инвестицион үсеш агентлыгы җитәкчесе Талия Миңнуллина  дәүләт-шәхси партнерлык механизмнарын дәүләт һәм муниципаль инфраструктураны булдыру һәм дәүләтнең социаль сәясәтен тормышка ашыруда куллануының мөһимлеген ассызыклады.

Семинарда Внешэкономбанк бүлекләре, алда баручы консалтинг оешмалары белгечләре, шулай ук Внешэкономбанк финанс катнашуы белән инвестицион проектларны тормышка ашыру тәҗрибәсе булган компанияләр вәкилләре чыгыш ясадылар.

Семинар барышында дәүләт-шәхси партнерлык проектларның төрле аспектлары каралды: юридик, оештыручы, икътисади аспектлар, ДШП модельләрен куллану схемалары буенча уртаклаштылар. Санкт-Петербург һәм Түбән Новгород өлкәсендә тормышка ашырылган ДШП проектлары мисалында проектларны алып бару сораулары каралды.

Татарстан Республикасының  инвестицион үсеш агентлыгы һәм Внешэкономбанк дәүләт корпорациясе 2014 елның 26 ноябрендә «Үсеш институтлары ярдәмендә тормышка ашырыла торганинвестиционпроектларның белгечләр-катнашучыларны әзерләү» проекты кысаларында «Идел буе федераль округында дәүләт-шәхси партнерлык проектларын оештыру» темасына семинар үткәрәчәк.

Семинарда регионның махсус дәүләт органнары белгечләре, дәүләт-шәхси партнерлык механизмнарын куллану белән проектларны тормышка ашыруын планлаштырылган бизнес һәм муниципаль оешмалар вәкилләре катнашачаклар.

12 кеше составында Кытай җитештерүчесе вәкилләре 31 октябрьдән ноябрьнең уртасына кадәр  КИП «Мастер» территориясендә Haier җитештерү мәйданнарының техник инжинирингын үткәрәчәкләр.